tangazo
tangazo
tangazo

Rais Omar El Bashir kikwazo Malawi

By  |  0 Comments

SERIKALI ya Malawi, haitakuwa mwenyeji wa mkutano wa Umoja wa Afrika uliotarajiwa kufanyika mjini Lilongwe mwezi Ujao.
Hatua hii imekuja baada ya malumbano kuhusu rais wa Sudan Omar El Bashir anayetakiwa na mahakama ya ICC kwa makosa ya Jinai ikiwa aruhusiwe au asiruhusiwa kuhudhuria mkutano huo.
Umoja wa Afrika ulikuwa umesisitiza kuwa lazima Rais wa Sudan, Omar al-Bashir, aalikwe.
Muungano wa Afrika imekuwa ikitaka kibali cha kukamatwa kwa Bashir kutupiliwa mbali na kuisisitizia Malawi kumkaribisha rais Bashir.
“Licha ya kuwa tuna wajibu kwa AU lakini pia tuna tunawajibika kwa taasisi zingine,” alisema makamu wa rais wa Malawi.
Rais wa zamani wa nchi hiyo,Bingu wa Mutharika, aliyefariki mwezi Aprili, alipinga wito wa kukamatwa kwa rais Bashir.
Tangu kifo chake, mrithi wake rais Joyce Banda amechukua hatua za kuwafurahisha zaidi wahisani wake kwa kufanya mageuzi kadhaa.
Mnamo Alhamisi, Sudan iliitaka Muungano wa Afrika, kuhamisha mkutano huo hadi katika makao makuu ya Muungano wa Afrika baada ya Malawi kusema kuwa Bashir hakaribishwi katika taifa hilo la Ukanda wa Afrika Kusini.
Kulingana na mkataba wa ICC, nchi wanchama waliosaini mkataba huo wana wajibu wa kuwakamata watu wanaotakikana na mahakama hiyo.
” Baada ya kutafakari maslahi ya wananchi wa Malawi, nataka kuwajulisha Wamalawi, kuwa baraza la mawaziri lilikutana leo na kuamua kua Malawi haina haja ya kuitikia masharti ya Muungano wa Afrika, na kwa hivyo haitakuwa mwenyeji wa mkutano.” shirika la AFP lilimnukuu makamu wa rais Kumbo Kachali akiongea na waandishi wa habari.

Wakati rais wa zamani Mutharika alipokataa kuitikia wito wa kumkamata rais Bashir wakati alipozuru Malawi mwezi Oktoba mwaka jana, mahakama ya ICC iliwasilisha malalamiko kwa baraza la usalama la umoja wa mataifa.
Rais Bashir ndiye rais wa kwanza aliye mamlakani kutolewa kibali cha kukamatwa mahakama ya ICC ambayo ilimshtaki kwa tuhuma za mauaji ya halaiki na uhalifu dhidi ya binadamu.

-BBC

Joachim Ernest Mushi, Kitaaluma ni mwanahabari muhitimu (Uandishi-2006) wa Chuo Kikuu cha Dar es Salaam, Taasisi ya Uandishi wa Habari na Mawasiliano ya Umma (IJMC) kwa sasa Shule Kuu ya Uandishi na Mawasiliano. Nimekuwa mwandishi wa habari za uchunguzi (Gazeti la Kulikoni & Thisday), Mwandishi mwandamizi Gazeti kongwe la Kiongozi, Mhariri wa Makala mwanzilishi wa Gazeti la Jambo Leo. Kwa sasa ni Mhariri Mkuu Kiongozi wa Thehabari.com, nchini Tanzania.

Leave a Reply

Your email address will not be published.

  Am Not Spammer

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Website designed by web design company Los Angeles
and web design Tanzania
Internet Marketing Tanzania