tangazo
tangazo

Serikali kuwaboreshea wazee penseni

By  |  0 Comments

Waziri wa Kazi na Ajira, Gaudencia Kabaka

Na Zawadi Msalla – Maelezo, Dodoma

SERIKALI inaandaa mpango madhubuti wa ulipaji pensheni kwa wazee kote nchini ili kuboresha maisha yao jambo ambalo litaboresha hali ya maisha kwa kundi hilo hivyo kuishi maisha bora zaidi.

Kauli hiyo imetolewa bungeni mjini Dodoma na Waziri wa
Kazi na Ajira, Gaudencia Kabaka alipokuwa akijibu swali la nyongeza lililoulizwa bungeni.

Waziri Kabaka alisema kuwa wizara yake imeandaa utaratibu utakaowasaidia wazee kulipwa pensheni kuanzia mwaka 2013. Utoaji wa pensheni hiyo utaenda sambamba na uanzishwaji wa sheria mpya ya wazee inayotarajiwa kuanza kutumika mwaka 2013.

Awali akijibu swali la msingi Naibu Waziri wa Afya na Ustawi
wa Jamii Dk. Seif Rashid alisema kuwa sheria hiyo imejikita zaidi kutetea haki za wazee na kuboresha maisha yao kwa kuhakikisha kuwa wanatambuliwa na kupewa fursa ya kushiriki kwenye mambo yanayohusu maisha yao ya kila siku kwa manufaa ya watanzania wote.

“Wizara imekuwa ikishughulikia upatikanaji wa sheria hiyo,
rasimu ilishaandaliwa na kujadiliwa na wadau kwa hivi sasa inafanyiwa maboresho ili iwasilishwe katika ngazi ya sekretariet.” Alisema Dk. Seif.

Zoezi la kuandaa sheria hiyo linafanyika kwa awamu ambapo Serikali itawasilisha Bungeni mswada huo wa sheria mwezi Aprili mwaka 2013. Hata hivyo kumekuwepo na malalamiko mbalimbali kwa
ucheleweshaji wa sheria hiyo ambayo kwa sasa haki za msingi za wazee hazipewi kipaumbele zikiwezo za huduma za afya na maendeleo ya kila siku.

Akichangia mjadala huo Mbunge wa Viti Maalum, Magret Mkanga alishangazwa na ucheleweshwaji wa uanzishwaji wa sheria hiyo kwani
sera ya Taifa ya Wazee ilipitishwa mwaka 2003.

“Sera ya Taifa ya Wazee ilipitishwa mwaka 2003 hadi sasa miaka kumi imeshapita bado sheria haijaundwa, jambo hili linawafanya wazee wapate huduma kwa huruma tu,” alisema.

Joachim Ernest Mushi, Kitaaluma ni mwanahabari muhitimu (Uandishi-2006) wa Chuo Kikuu cha Dar es Salaam, Taasisi ya Uandishi wa Habari na Mawasiliano ya Umma (IJMC) kwa sasa Shule Kuu ya Uandishi na Mawasiliano. Nimekuwa mwandishi wa habari za uchunguzi (Gazeti la Kulikoni & Thisday), Mwandishi mwandamizi Gazeti kongwe la Kiongozi, Mhariri wa Makala mwanzilishi wa Gazeti la Jambo Leo. Kwa sasa ni Mhariri Mkuu Kiongozi wa Thehabari.com, nchini Tanzania.

Leave a Reply

Your email address will not be published.


*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Website designed by web design company Los Angeles
and web design Tanzania
Internet Marketing Tanzania