tangazo
tangazo

Nape awaasa Waislam kuiombea Tanzania

By  |  0 Comments

Katibu wa Halmashauri Kuu ya Taifa, Itikadi na Uenezi CCM

Na Mwandishi wetu, Morogoro

Chama Cha Mapinduzi (CCM) kimewaasa Waislam kuutumia uadilifu wao kuiombea Tanzania iendelee kuwa Nchi ya
Amani na Utulivu.

Kimesema Amani ikishamiri hapa nchini, Waislam kama Watanzania wengine watanufaika nayo kwa kuweza kufanya mipango yao ya kuabudu Mungu na ya Maisha yao ya kila siku bila Mashaka tofauti na Amani ikitetereka.

Hayo yalisemwa na Katibu wa Halmashauri Kuu ya Taifa, Itikadi na Uenezi CCM, Nape Nnauye wakati akizungumza na Mabalozi wa Nyumba kumi mkoani Morogoro, baada ya kuwafuturisha jana,Futari aliyoandaa kwenye ukumbi wa shule ya Sekondari Forest mjini Morogoro

“Kwa niaba ya Chama Cha Mapinduzi, tumeona kwamba faradhi hii ya Funga ya Mwezi wa Ramadhani mnayotekeleza,
pamoja na kuwa ni muhimu sana kwenu kama Waislam lakini pia ni muhimu sana kwa taifa letu kwa sababu tunaamini
Uchamungu huzaa Uadilifu na Uadilifu ni chanzo pia cha kudumisha Amani na Utulivu tulio nao hapa nchini, hivyo kwa
niaba ya Chama nikaona ni vizuri tukafuturu pamoja jioni ya leo”, alisema Nape.

“Nachowaasa Waislam mliojumuka hapa na wale ambao hatukubahatika kuwa nao kwenye futari hii, endeleeni kuutumia Uadilifu wetu mliouithibitisha mbele za Mungu kwa funga hii, kuiombea nchi yetu iendelee kuwa na amani na utulivu, maana amani ikitoweka huathiri kila kitu ikiwemo ibada”, alisema Nape.

Nape aliwaomba waislam katika Dua zao pia kuwaombea Pepo wabaya wawatoke, Watu ambao alisema wamekuwa kila kukicha wanatamani Amani iliyopo nchini itoweke kutokana na Uchu wa madaraka.

Mapema akimkaribisha kuzungumza kwenye futari, Kaimu Katibu wa CCM mkoa wa Morogoro, Sixtus Mapunda alikishukuru Chama Cha Mapinduzi kwa uamuzi wake wa kuamua kuwafurutisha Wajumbe wa Nyumba kumi wa Mkoa wa Morogoro akieleza kwamba Tukio hilo limeongeza mshikamano kwa wana-CCM na Wananchi kwa ujumla mkoani humo.

Alisema, zaidi ya Wajumbe 450 kutoka Wilaya za Mkoa huo, walifanikiwa kuhudhuria kwenye futari hiyo, na kukitaka
Chama kujijengea utaratibu huo hata kwa Mikoa mingine.

“Uzuri wa futari hii ni kwamba mbali na kwamba ni Ibada kwa Waislam, lakini pia inatuweka pamoja Waislam na wasiokuwa waislam kwa kuwa watu wamealikwa hapa bila kutazama Dini zao au kuchagua waliofunga na ambao hawakufunga kama Mzee wangu pale Mkuu wa mkoa wa zamani wa mkoa huu (Morogoro) Steven Masishanga”,
alisema, Sixtus.

Mbali na Masishanga futari hiyo ilihudhuriwa pia na Mkuu wa Mkoa wa Morogoro, Joel Bendera, Mwanasiasa wa siku nyingi mkoani Morogoro ambaye pia amewahi kuwa Mbunge, Semindu Pawa na viongozi mbali mbali wa CCM mkoani humo.

Joachim Ernest Mushi, Kitaaluma ni mwanahabari muhitimu (Uandishi-2006) wa Chuo Kikuu cha Dar es Salaam, Taasisi ya Uandishi wa Habari na Mawasiliano ya Umma (IJMC) kwa sasa Shule Kuu ya Uandishi na Mawasiliano. Nimekuwa mwandishi wa habari za uchunguzi (Gazeti la Kulikoni & Thisday), Mwandishi mwandamizi Gazeti kongwe la Kiongozi, Mhariri wa Makala mwanzilishi wa Gazeti la Jambo Leo. Kwa sasa ni Mhariri Mkuu Kiongozi wa Thehabari.com, nchini Tanzania.

Leave a Reply

Your email address will not be published.


*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Website designed by web design company Los Angeles
and web design Tanzania
Internet Marketing Tanzania