tangazo
tangazo

J.K akutana na Rais Alessane Ouattara – ARUSHA

By  |  0 Comments

Tanzania inaunga mkono jitihada za Ivory Coast za kurudisha makao makuu ya Benki ya Maendeleo ya Afrika, (AfDB) katika mji Mkuu wa Nchi hiyo Abidjan,

TANZANIA inaunga mkono jitihada za Ivory Coast za kurudisha makao makuu ya Benki ya Maendeleo ya Afrika, (AfDB)  katika mji Mkuu wa Nchi hiyo Abidjan, ambapo ndipo yalikuwa makao makuu kabla ya vurugu za kisiasa nchini humo , zilizotokea mara baada ya Uchaguzi Mkuu wa Octoba, 2010.
Kufuatia vurugu hizo, benki iliyahamishia makao makuu yake kwenda jijini Tunis, Tunisia.

Rais Jakaya Mrisho Kikwete amemueleza Rais Alassane Ouattara wakati wa mazungumzo yao leo asubuhi, katika hoteli ya Ngurdoto, mjini Arusha.

“Tunaunga mkono jitihada zenu za kurudisha Makao Makuu ya Benki ya Maendeleo ya Afrika, tunaelewa hali ambayo haikutegemewa na ya kusikitisha mliyopitia na ni vyema Benki ikarudi Abidjan” Rais Kikwete amemueleza Rais Outtara aliyewasili Arusha jana jioni 29 Mei, 2012.

Mbali na kuomba kuungwa mkono na nchi za Afrika na Benki ya Afrika, Rais Outtara, ambaye yuko nchini kwa mwaliko wa Rais Kikwete, amesema amekuja pia kutoa shukrani kwa Rais Kikwete kwa kusaidia katika kutatua mgogoro wao.

“Wa Ivoria wanakushukuru sana kwa msaada wako mkubwa wakati wa matatizo yetu, tunashukuru sana” Rais Ouattara amemuambia Rais Kikwete ambaye alikuwa mmoja wa wajumbe wa timu ya viongozi ya Umoja wa Afrika (AU) kushughulikia mgogoro wa Ivory Coast.

Timu hiyo ilikua chini ya Mauritania na wajumbe wengine walikua Afrika ya Kusini na Burkina Faso.

Akiwa nchini Rais Outtara pia anatarajiwa kuhutubia Mkutano Mkuu wa Bodi ya Magavana wa AfDB ambao unafunguliwa kesho tarehe 31 Mei na Rais Kikwete, katika ukumbi wa Kituo cha Mikutano cha Arusha (AICC).

Joachim Ernest Mushi, Kitaaluma ni mwanahabari muhitimu (Uandishi-2006) wa Chuo Kikuu cha Dar es Salaam, Taasisi ya Uandishi wa Habari na Mawasiliano ya Umma (IJMC) kwa sasa Shule Kuu ya Uandishi na Mawasiliano. Nimekuwa mwandishi wa habari za uchunguzi (Gazeti la Kulikoni & Thisday), Mwandishi mwandamizi Gazeti kongwe la Kiongozi, Mhariri wa Makala mwanzilishi wa Gazeti la Jambo Leo. Kwa sasa ni Mhariri Mkuu Kiongozi wa Thehabari.com, nchini Tanzania.

Leave a Reply

Your email address will not be published.

  Am Not Spammer

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Website designed by web design company Los Angeles
and web design Tanzania
Internet Marketing Tanzania