Blogs Tanzania | News | Michuzi ya Habari leo » Burudani

Hadija Said Kifaa Kipya cha Miss Utalii Tanzania

jomushi — Tue, 21 May 2013 05:53:59 +0000

MSHINDI WA TAJI LA MISS UTALII TANZANIA 2012/13 HADIJA SAID MISS UTALII MOROGORO KATIKATI AKIWA KATIKA PICHA YA PAMOJA NA LUCY NOEL MISS UTALII DAR ES SALAAM KUSHOTO NA MSHINDI WA TATU KULIA THELESIA KILOMO MISS UTALII VYUO VIKUU

MSHINDI WA TAJI LA MISS UTALII TANZANIA 2012/13 HADIJA SAID MISS UTALII MOROGORO AKISHWA TAJI LA USHINDI NA MGENI RASMI KWA NIABA YA MKUU WA MKOA WA TANGA LUTENI KANALI MSTAAFU CHIKU GALAWA, MKUU WA WILAYA YA TANGA HALIMA BENDEGO

KUTOKA KUSHOTO NI MISS UTALII KUTOKA MKOA WA KATAVI ASHA RAMADHANI ALIYE SHINDA NAFASI YA NNE, LUCY NOEL MISS UTALII DAR ES SALAAM ALIYESHINDA NAFASI YA PILI, MISS UTALII MOROGORO HADIJA SAID AMBAYE NDIYE MISS UTALII TANZANIA 2012/13, MGENI RASMI KWA NIABA YA MKUU WA MKOA WA TANGA LUTENI KANALI MSTAAFU CHIKU GALAWA, MKUU WA WILAYA YA TANGA HALIMA BENDEGO, MISS UTALII VYUO VIKUU THERESIA KILOMO NA MISS UTALII SINGIDA MWAKOMBO KESSY ALIYESHINDA NAFASI YA TANO

WASHIDI WA TANO BORA WAKIWA KATIKA PICHA YA PAMOJA NA VIONGOZI WA SERIKALI MKOA WA TANGA.

TASWA FC Yawachapa Mabondia 2-1

jomushi — Mon, 20 May 2013 07:18:36 +0000

Kocha wa Mchezo wa Masumbwi Nchini, Rajabu Mhamila ‘Super D’ akitoa maelekezo kwa mabondia wenzake jinsi ya kuwakabili wachezaji wa TASWA FC.

Mpambano ukiendelea kati ya mabondia na Taswa FC wakati wa Leaders Club. (Picha na Super D Blog)

Redd’s Miss Tanga, Kupatikana Juni 22

jomushi — Mon, 20 May 2013 07:06:00 +0000

Mkurugezi wa Kampuni ya DATK Intertaimeint, Asha Kigundula

Na Mwandishi Wetu

SHINDANO la kumtafuta malkia wa Mkoa wa Tanga mwaka huu “Redd’s Miss Tanga 2013″ linatarajiwa kufanyika Juni 22 kwenye Uwanja wa Mkwakwani, mkoani humo.

Akizungumza na mtandao huu jana Mkurugezi wa Kampuni ya DATK Intertaimeint, ambao ni waandaaji wa shindano hilo, Asha Kigundula, alisema kuwa warembo wote wanaoshiriki kinyang’anyiro hicho tayari wameanza mazoezi yanayofanyika kwenye Ukumbi wa Lavida uliopo jijini Tanga.

Kigundula alisema shindano hilo litaanza saa 2, usiku likienda sambamba na burudani mbalimbali kutoka kwa moja ya bendi maarufu hapa nchini pamoja na wasanii wanaotamba katika muziki wa kizazi kipya.

Alisema maandalizi ya shindano hilo yanaendelea vizuri na jumla ya warembo 14 watashindania taji hilo. Kigundula aliongeza kuwa mpaka juzi warembo 10 walikuwa wamejitokeza na kuanza mazoezi yanayosimamiwa na Miss Tanga 2012, Teresia Kimolo na Mwanaid Omar.

Aliwataja miongoni mwa warembo watakao chuana kuwa ni pamoja na Hawa Ramadhan (18), Hazina Mbaga (19), Like Abdulraman (19), Jack Emannuel (18),Waida Mmbwambo(20), Tatu Hussein(19), Mwanahamis Mashaka(20), Neema Abdallah (18), Winfrida Gutram (21)Lulu Mbonea (19) na Aisha Rashid (21).
“Kila kitu kinaendelea vizuri, ikiwa na warembo kuendelea kujiandikisha kushiriki shindano la mwaka huu, ambalo nina hakika litakuwa la aina yake,” alisema Kigundula.

Alisema kwamba shindano la mwaka huu litaandika historia mpya ya urembo mkoani humo kwa kuwa Kampuni DATK imejipanga, hivyo mashabiki wa mashindano ya urembo wa jijini hapo kwa ujumla wakae mkao wa kupata raha.

Redd’s, Miss Tanga, imedhaminiwa na CXC Africa, Executive Solutions, Busta General Supply, Mkwabi Interprises, Lusindic Investment LTD, Lavida Pub, Jambo Leo, Staa Spoti, Five Brothers, Cloud’s Media Group, pamoja na Blog Michuzi Media Group, Bongostaz.com, Saluti5, Kajuna, JaneJohn, na Kidevu.

Rumadha: Kutoka Uswahilini Hadi Ughaibuni

jomushi — Sun, 19 May 2013 20:34:07 +0000

Sensei Rumadha na mkewe Anita pamoja na mdogo wake Rumadha, Kibwana Fundi katika shangwe

Sensei Rumadha Fundi (mstari wa nyuma) akiwa na wataalamu wenzie wa mapafu

SENSEI Rumadha Fundi amefanikiwa kujiongezea taaluma kutoka Usensei wa Karate na Mwalimu wa Yoda na sasa kufikia kuwa mtaalamu wa tiba za binadamu upande wa mapafu! Huyu si mwingine bali ni Mtanzania mtaalamu wa michezo ya Karate na Yoga Sensei Rumadha Fundi (3rd Dan, Black Belt) mwenye maskani yake kule nchini
Marekani.

Mai 17, 2013 Sensei Rumadha Fundi akishangiliwa na kupongezwa na ndugu na marafiki waliomshuhudia akipokea shahada ya ‘Associate in Applied Science Cardiopulmonary Respiratory Care’ kutoka Collin College, McKinney, Texas, nchini USA.

Sensei Rumadha anafanikiwa kuongezea CV yake kwa kula nondo ya utaalamu wa tiba za mapafu na moyo. Sensei Rumadha sasa amekuwa mtaalam Respiratory Therapist: Mtaalam wa hewa na gasi ya kupumua, anayetibu mapafu na moyo chini ya maelekezo ya mganga wa mapafu ‘pulmonalogist’. Pia, Respiratory therapist anamajukumu mengi kama kuwatibu wagonjwa wa pumu, COPD, Ephysema, Asthma, TB na majonjwa yote yanayohusu mapafu na moyo.

Pia, anauwezo wa kutafsiri damu baada ya kupima hali yamgonjwa kama ana oxygen ya gas inahitaji tiba yeyote. Kwa mengi zaidi kuhusiana na utaalam wa Respiratory Therapist fuata Link ile ipo mwisho wa “Who is Respiratory Therapist? http://en.wikipedia.org/wiki/Respiratory_therapy

Kumjua zaidi Sensei Rumadha Fundi bofya http://dartalk.com/2013/04/22/sensei-rumadha-fundi-romi-mtaalam-wa-ngazi-za-juu-wa-karate-na-yoga%E2%80%A6/

Bondia Jonas Segu Aweka Historia Thailand, Apigwa…!

jomushi — Sat, 18 May 2013 11:48:55 +0000

Bondia Jonas Segu akicheza na Bingwa wa IBF Bara la Asia Pacific, Patomsuk Pathompothong

TANZANIA imeweka historia mpya kwenye ngumi za kulipwa nchini Thailand baada ya mabondia wake kuwa wanapigwa kila mara wanapokwenda kuiwakilisha nchi na bara la Afrika. Safari hii JEMBE, kijana mtanashati anayeinukia kwenye masumbwi Jonas Segu kutoka katika ukumbi wa mazoezi wa Respect Gym Boxing Club ya Mabibo Loyola chini ya kocha Christopher Mzazi ameonyesha kipaji kikubwa cha kusukuma masumbwi alipoushangaza umati wa maelfu ya wananchi wa Thailand pamoja na nchi za ukanda wa Indo-China.

Segu alikuwa anachuana na bingwa wa IBF katika Bara la Asia Pacific Patomsuk Pathompothong kutoka Thailand katika uzito wa Light Welter ambaye ni bondia namba 7 duniani katika viwango vya IBF. Mpambano wao ulifanyika katika jiji lenye mahekalu ya dhahabu la Bangkok na kurushwa na television katika nchi zote za ukanda wa Indo-China za Laos, Myanmar, Cambodia, Vietnam na Thailand yenyewe.

Mpambamo wa Segu na Pathompothong ulianza kwa bondia wa kitanzania kuchomoka kama upinde kwenye kona yake na kumshambulia Pathompothong kwa makonde mazito ya kumshikisha adabu. Segu alitupa makonde ya mchanganyiko na kumzidi Pathompothong kutokana na uzito na umakini wa ngumi zake. Kwa kipindi chote cha raundi ya kwanza ilimbidi Pathompothong ajilinde na kukimbia akizunguka ndani ya ulingo ili kudhoofisha masumbwi ya Segu aliyekuwa anayachanganya kama mashine ya kukomboa mpunga ambao unalimwa kwa wingi nchini Thailand!

Jonas Segu alikuwa chini ya uangalizi makini wa bondia maarufu mstaafu George “Lister” Sabuni ambaye aliweza kumpa maelekezo ya nini cha kufanya kwenye mpambano huo wa mwaka. Katika raundi ya 2, 3 na 4 Segu aliuonyesha umati wa mashabiki wa Thailand kuwa yeye kweli ni bingwa mtarajiwa na hakwenda Thailand kula wali wao ila kuiwakilisha nchi yake ya Jamhuri ya Muungano wa Tanzania. Segu alimhenyesha Pathompothong vilivyo kwa kumchakaza kwa makonde mfululizo hususan akiutumia mkono wake hatari wa kulia ambao ulionekana dhahiri kuwa unaleta madhara makubwa kwa Pathompothong.

Ilididi timu ya wataalam wa Pathompothong kutafakari namna ya kumdhibiti kijana huyo wa Kitanzania ambaye kweli alionekana kuwa alienda Thailand kuuchukua mkanda wa IBF Pan Pacific na sio kufuata ulaji!

Raudi ta 5 Pathompothong aliingia ulingoni akiwa mtu tofauti kabisa akirusha msumbwi mfululizo na kutembea ulingoni kama siafu huku akimvuta Segu kenye kamba ili amkandamizie masumbwi yake. Kijana huyo nadhifu wa kitanzania (mwenye sura nzuri ya kuvutia na ambaye wasichana wengi wa Thailand walishinda karibu na hoteli aliyoshukia ili kuweza kuongea naye) alitumia wakati huo kumwonyesha Pathompothong kuwa yeye hababaishwi na masumbwi yake kwani amefanya mazoezi ya kutosha. Segu alibadilishana masumbi na Pathompothong vilivyo na kuufanya umati wa mashabiki waliojazana kwenye ukumbi huo kumshangilia kama vile yeye ndiye bondia wao wakiimba Tanzania, Tanzania, Tanzania!

Katika raundi ya 6 mabondia wote waliingia ulingoni kama vifaru na kubadilishana masumbwi ya mchanganyiko (combinations) wakitafuta kudhibiti harakati za mpinzani mwenza. Ni katika kubadilishana huku kwa masumbwi ambako Segu aliumizwa mkono na Mthailand Pathompothong. Inawezekana kuwa ni katika juhudi za kumzuia ili asiendelee kurusha masubwi ya nguvu na kudhoofisha nguvu zake.

Kuumia mkono kwa Segu ilikuwa dhahiri kwani mwanzoni mwa raundi ya saba wakati Pathompothong alipokuwa anamiliki ulingo dhidi ya kijana huyo mtanashati wa kitanzania. Katikati ya raundi ya saba Segu aliona kuwa hawezi kuutumia mkono wake vizuri na kumwashiria refarii wa mpambano kuwa anaacha!

Segu aliacha pambano hilo katika raundi ya saba wakati mashabiki wengi katika ukumbi huo wakiwa wanaimba Tanzania, Tanzania, Tanzania kwa jinsi alivyokuwa anapeperusha vyema bendera ya “Jamhuri ya Muungano wa Tanzania”

Linah na Barnaba ‘Kufukuzwa’ THT…!

jomushi — Fri, 17 May 2013 22:16:10 +0000

Msanii Linah katika pozi

Na Andrew Chale

KUELEKEA shoo maalumu ya Miaka 13, ya mwanamuziki nguli wa bongo fleva nchini na kiongozi wa bendi yenye msisimko mkubwa ya ‘Machozi Band’, Judith Wambura ‘Lady Jay Dee’ au Jide’ huenda kwa upande wa wasanii wa Nyumba ya Vipaji ya THT, Linah Sanga na Barnaba mwaka huu ukawa mchungu kwao kufuatia kuwepo taarifa za kutimuliwa na uongozi wa juu.

Kwa mujibu wa vyanzo kutoka kwa mtu wa karibu wa Linah kilieleza kuwa mpaka sasa msanii huyo hana raha na wala hajui ataanza vipi katika harakati zake za kimuziki hasa kufuatia hivi karibuni kukacha shoo ya nguli Lady Jay Dee kwa shinikizo kutoka kwa wakubwa zake.

Hata hivyo, Linah inadaiwa uongozi wa juu umekaa kikao na hatua iliyofuatia kwenye kikao hicho ni kuwaondoa kabisa kwani huenda wakatia doa wasanii wenzao ndani ya kundi hilo.

“Juzi Linha,haikuwa kawaida yake maana hata alipopigiwa simu na ** kwa ajili ya hatua zingine alionekana kuw na hofu, na wala hakutaka kusikia ushahuri wangu ambao nilikuwa nikimhusia kuwa aachane na mawazo hayo kwani jambo analoliwaza huenda likaisha na hata maamuzi yatakayotoka yatakuwa ni kawaida” kilieleza chanzo kutoka kwa mtu wakaribu wa Lina, amabaye hata hivyo alisema kuwa huenda ukweli wa jambo ukawa hadharani.

Hata hivyo taarifa za ndani za uongozi wa THT zilibainisha kuwa mpango wao wa kuwashughulikia wasanii hao upo pale pale na taratibu zinafuata ilizisilete madhara kwa wasanii waliopo ndani ya THT na watu wa karibu wanaoiunga THT.

“Wewe nani kakwambia kama tumewaadhibu Lina na Barnaba?, ndio kwanza tunakusikia wewe hizo taarifa, sisi tunafanya mambo yetu wao waache wafanye yao tukiwa nao sie na tunaouwezo wa kuwatimua ilikulinda hadhi ya THT” Kilieleza chanzo hicho ambacho hata hivyo kutokana na usalama wa jina lake tumelihifadhi. Ambapo namba yake inaishia na**08.

Aidha, katika ‘ku-balance’ huondo kamili wa habari hizi wasanii hao wote walipotafutwa kwenye simu zao za mkononi lakini hawakuweza kuwa hewani kwa muda mrefu.. na hata alipopigiwa mtu wao huyo wa karibu naye alizima simu.

Katika kile kinachoeleza kupamba moto shoo hiyo, na kujaa kwa taarifa mbalimbali juu ya wasanii watakaopamba shoo ya miaka 13, Mei 31 ndani ya Nyumbani Lounge, Tayari tiketi zimeanza kuuzwa maeneo mbalimbali ya jiji la Dar es Saalam.

Shoo hiyo ya kijanja Nyumbani Lounge, patakuwa hapatoshi pale wadau wa burudani na wastaarabu wote watakapojumuika kwa pamoja ku-shoo love kwa Lady Jay Dee na Machozi Band, huku listi ya mastaa mbalimbali wanatarajia kuudhuria sambamba na ‘surprise’ kutoka kwa mastaa hao ambao kwa sasa wengi wapo kimya wakihofia kutengwa na wazee wa ‘fitina bin Logiki’.

Awali kulikuwapo na taarifa za kuwapo kwa msanii Matonya, ambaye hata hivyo mtandao wa Lady Jay Dee ulitoa hadharani kuwa mwanamuziki huyo ameshachukua ‘advance’ ya shoo hiyo na wazee wa ‘kuingilia logik’ wameshamtisha Matonya ili ajitoe, lakini akiwa ameshatafuna pesa ya watu.

Mtandao huo wa kijamii blog, ilinukuu kila kitu juu ya Makubaliano baina ya Capt.Gadna G Habashi na Matonya ambapo pia unaweza kuyasoma kupitia (www.ladyjaydee.blogspot.com)

Pia ulitoa kwa mara ya kwanza picha,maelezo muhimu na video ya wanamuziki hao wawili Linah na Barnaba wakiingia mkataba wa shoo hiyo na pia kuhamasisha watu kufika Mei 13..

Francis Cheka Shopping for an Opponent Outside Africa for His 4th Defense

jomushi — Fri, 17 May 2013 06:30:06 +0000

Francis Cheka

THE most celebrated “IBF Continental Africa Champion” Francis Cheka of Tanzania is shopping for an opponent outside Africa continent for his optional defense of his title for the fourth time. Cheka’s desire for foreign boxers derived from the dismal performances exhibited by Africa boxers he had met so far. “I have yet to see any African boxer who has challenged me aggressively” said the “IBF Continental Africa Super Middleweight King” recently.

Francis Cheka won the “IBF Continental Africa Super Welterweight Title” for the first time in 2005 and vacated it the following year to vie for other “less colorful titles” only to recapture it in 2011 and has since defended it successfully! He is the most celebrated boxer in Tanzania and the whole of East & Central African region.

His metaphor of the country’s name and status out pass that of many sportsmen and women before him as he has accumulated a lot of respects from various quarters within African boxing fraternity! This is one boxer who enjoys boxing and when he is the ring his body language connect with that of the spectators in the venue as they sing and cheers him throughout the fight punch after punch to victory!

Born in Dar Es Salaam and raised in Morogoro, Francis Boniface Cheka is a great boxing entrepreneur who know how to tilt the sport to his favor. He is so popular in Tanzania that youths emulate how he dress and walk. Francis Boniface Cheka is larger than life as far as boxing in Tanzania and East Africa is concern. He epitomizes glory and the success which come with the prize fighting!

Cheka’s investments portfolio calls for admiration in that very few sportsmen/women in Tanzania have invested to so many enterprises without proper formal education! He owns string of business enterprises springing from plastic recycling factories to environment management! He is the role model to many young people in Tanzania.

And now, he is shopping for a pound to pound boxer from outside Africa to march his boxing caliber saying that he is above the level of many opponents from the Dark Continent! If you happen to hear him speaking for the first time you would compare him with a professor lecturing students. He is so organized in his life as well as in the ring.
Cheka is the only boxer who cannot take a fight if he is not well prepared not matter what the price can be. When preparing for a fight he secluded himself from all luxuries in the world including staying away from his beloved wife saying that sex and wine are the greatest destructions for sportsmen/women!

Timu Tano Afrika Mashariki Zatinga Nusu Fainali Pan-African Guinness Football Challenge

jomushi — Thu, 16 May 2013 05:17:06 +0000

Washindi wa kwanza wa robo fainali ya mwisho ya Guinness Football Challenge Emmanuel Okraku Kofi (kushoto) na Isaac Aryee (kulia) katika picha ya pamoja na waendeshaji wa kipindi hicho Larry Asego na Mimi kalinda.

Washindi war obo fainali ya 4 timu kutoka Kenya (wenye rangi nyekundu) na timu kutoka Ghana (wenye rangi nyeusi) wakijipongezana baada ya kipindi kuisha.

Timu zilizoshiriki robo fainali ya jana katika picha ya pamoja na waendeshaji wa kipindi cha Guinness Football Challenge mara tu baada ya kumalizika kwa kipindi hicho huku washindi wa dola 1,500 wakiwa wamebelea pesa zao.

JANA usiku (Mai 15, 2013) kupitia televisheni za ITV na Clouds TV washindi kutoka Ghana katika GUINNESS® FOOTBALL CHALLENGE walisheherekea ushindi wao wa kufuzu nusu fainali kwa kucheza wimbo wa Azonto huku watangazaji Larry na Mimi nao wakijumuika nao.
Emanuel Okarku (27) na Isaac aryee (25) hawakufanya vizuri katika hatua ya pesa ukutani na kupata dola za kimarekani 1,500 lakini waliufanya uwanja wote kucheza Azonto.

Emmanuel na Isaac waliwashinda wakenya katika hatua ya penati na kufikia hatua ya Ukuta wa pesa wa Guinness, hata hivyo timu kutoka Kenya iliibuka mshindi wa pili na kufuzu kuingia nusu fainali.

Emmanuel, Isaac, Kenneth na Chris pamoja na washindi wengine wa robo fainali zilizopita wataendelea kucheza na kuziwakilisha nchi zao katika hatua ya nusu fainali na wana nafasi ya kupeperusha bendera za mataifa yao hadi mwisho.

Pia wana nafasi ya kuwa washindi wa mashindano haya ya Pan African.
Nusu fainali hizi zitaoneshwa katika televisheni za ITV na Clouds TV kila siku za jumatano saa 3:15 usiku ITV na saa 2:15 usiku Clouds TV.Hakikisha haukosi kuangalia mchezo huu wa nusu fainali.

Mashabiki na wapenzi wa soka wanaweza kupima maarifa yao kupitia simu zao za mkononi na kushiriki GUINNESS FOOTBALL CHALLENGE kupitia GUINNESS® VIP™. Jiunge bure sasa kupima maarifa yako, tembelea m.guinnessvip.com sasa.
Usikose kufuatilia ukurasa wetu wa facebook wa GUINNESS FOOTBALL CHALLENGE kwa habari mbalimbali.
-www.facebook.com/guinnesstanzania
Tafadhali kunywa kistaarabu – Hairuhusiwi kwa wenye umri chini ya miaka 18.

Timu Kutoka Afrika Mashariki Yasaka Nafasi Kuingia Nusu Fainali Guinness Football Challenge

jomushi — Tue, 14 May 2013 07:27:24 +0000

Timu nne zitakazochuana katika kipindi cha tisa (robo fainali ya 4) cha Guinness Football Challenge wiki hii. Kutoka kushoto ni timu kutoka Kenya (wamevaa nyekundu), bluu na kijani ni timu kutoka Cameroon na nyeusi ni timu kutoka Ghana.

JUMATANO iliyopita kupitia stesheni za ITV na Clouds TV, Waghana Jonathan Naab na Desmond Odaano walifanikiwa kufuzu nusu fainali ya Pan-African Guinness Football Challenge. Inaweza kusemekana kuwa timu hii ilichagua njia rahisi kwa ajili ya kupata ushindi hadi kufikia hatua ya vikwazo ambapo walikutana uso kwa uso na waghana wenzao.

Jonathan na Desmond walifanikiwa kushinda katika vikwazo vyote na kufikia hatua ya ukutawa pesa wa Guinness ambapo walipata dola za kimarekani 3,000 kuongezea kwenye dola 5,500 walizokuwanazo awali. Wakiwa na jumla ya dola 8,500 mkononi, Jonathan na Desmond wanajiandaa kutafuta dola 250,000 na ushindi wa Pan-African katika nusu fainali ya Guinness Football Challenge.

Watachezea nchi yao pamoja na Emphatus Nyambura na Samuel Papa kutoka Kenya ambao walikuwa washindi wa pili katika robo fainali hyo wiki iliyopita. Katika robo fainali ya mwisho wiki ijayo timu nyingine nne zitaingia uwanjani kati ya hizo ni timu kutoka Kenya Kenneth Mukuri na Chris Mwamgi ambao watapeperusha bendera ya Afrika Mashariki ili kupata timu mbili za mwisho.

“Tumebakiwa na robo fainali moja tu ya Guinness Football Challenge
-Je, kuna moja kati ya timu zilizobaki inayoweza kujishindia dau kubwa zaidi ya timu ya Jonathan na Desmond? Washiriki wote wameonesha kuwa wana ujasiri tutaona jinsi timu hizi nne zitakavyocheza wiki ijayo. Ni nani atakayeshinda katika robo fainali ijayo? Tunazitakia timu zote kila la heri katika robo fainali mwisho” alisema Meneja wa kinywaji cha Guinness, Davis Kambi.

Timu zitakazoonesha ujuzi wao katika robo fainali ya mwisho:
• Timu kutoka Kenya Kenneth Mukuri na Chris Mwamgi katika jezi nyekundu wanaotarajia kushinda baada ya kujitahidi na kupata dola za kimarekani 1,500 hapo awali. Kenneth atakuwa kichwa cha timu wakati Cris ambaye ni mchezaji wa Springland FC atakuwa akichezea mpira.
• Maarufu nchini Cameroon kwa kufuata nyayo za shujaa wa kifaransa mwenye majina kama yao Thiery Henry, wachezaji Thiery Teke, kichwa cha timu na Henri Eboule, ambaye ataonesha uwezo wa kucheza soka, wanatarajia kuongeza fedha kwenye zaidi ya dola 5,500 walizokuanazo awali.
• Timu ya pili kutoka Cameroon watakaovaa jezi za kijani ni Botafogo Paul Mbuh na mwanafunzi Remy Isong.Timu hii haikufanya vizuri katika sehemu za awali ambapo walijishindia dola 500 tu lakini sasa ina nafasi ya kufanya vizuri zaidi.
• Katika jezi nyeusi watakuwa Emanuel Kofi Okarku(27) na Isaac Aryee(25) kutoka Ghana. Emanuel na Isaac ni maarufu kwa kushabikia timu mbili adui lakini wanacheza kwa umoja katika timu baada ya kushinda dola 3,000 katika mashindano ya kitaifa. Emanuel ni kichwa cha timu na Isaac atakuwa akionesha utaalamu wa kusakata kabumbu.

Wapenzi wa kipindi hiki cha Guinness football challenge barani Afrika wanaweza kupima maarifa yao katika kabumbu kupitia GUINNESS® VIP™. Wanaweza kufanya hivyo kwa kujisajili bure kabisa katika m.guinnessvip.com kwa kupitia simu ya mkononi. Hakikisha unafuatilia ukurasa wa facebook wa GUINNESS FOOTBALL CHALLENGE kwa habari mbalimbali.
-www.facebook.com/guinnesstanzania

Robo fainali ya mwisho ya Pan-African itarushwa katika televisheni za ITV na Clouds TV usikose kushuhudia timu kutoka Afrika Mashariki ikipambana vikali na nchi zingine za Afrika.

GUINNESS FOOTBALL CHALLENGE, ni kipindi cha mchezo wa soka kinachotayarishwa na kampuni ya kimataifa ya Endemol. Usikose kuangalia na kufuatialia kipindi hiki katika runinga yako kupitia televisheni za ITV na Clouds TV kila siku ya Jumatano usiku saa 3:15 ITV na saa 2:15 Clouds TV.

Usisahau kuwa na chupa ya bia uipendayo ya Guiness wakati unaangalia kipindi hiki.
Tafadhali kunywa kistaarabu- Hairuhusiwi kuuzwa kwa wale wenye umri chini ya miaka 18.

Bondia Kaseba Kupambana na Mmalawi Jumamosi

jomushi — Tue, 14 May 2013 07:12:37 +0000

Bondia Kaseba Kupambana na Mmalawi Jumamosi